【四紅湯 - 紅豆、紅棗、杞子及花生】

【四紅湯】係用 紅豆、紅棗、杞子及花生嚟煲嘅湯。 呢個湯補血、養血、仲可以去濕同埋促進血液循環，化水腫嘅作用。而且性質平和，一般人都可以食。

但係煲之前，要浸一浸D紅豆同花生，有時間可以浸一晚，至少都要浸一小時。

Tips: 平時紅棗去核都好麻煩，用刀用手都係搞唔好。上網睇左，有一個方法幾好, 就係將紅棗嘅頭部對準漏斗嘅尖端 (請參照附圖)，將紅棗一路轉一路禁落去，禁到盡頭就將紅棗掹出嚟，得左。